..............خلطبيطه................

العنوان بتاع الموضوع ده بيوصف اللي انا عايزه اقوله لكم...
من كام يوم حسيت احساس ..اول مره احسه ف حياتي
كنت ف قمه قمه فرحتي وف نفس الوقت كنت ف قمه قمه حزني وضعفي
مكنتش عارفه اضحك ولا ابكي بس خدتها من قاصرها ودخلت نمت
سمعت خبر حلو اي لاغلى حد عندي ف الدنيا وف نفس الوقت الخبر ده هيكون ليه عواقب مش تمام عليا..
المهم...............السؤال هنا
هل فعلا عمرك عشت احساس الفرحه اللي مليانه حزن ..او الحزن اللي مليان فرحه؟؟؟؟؟؟؟؟؟؟؟؟؟؟؟
او انك بتضحك وعينك بتدمع ف نفس الوقت بس بجد بتضحك من قلبك؟ ودموعك بتقتلك؟
هو سؤال ممكن يكون عبيط شويه ومفيش حد يقدر يجاوب عليه بس انا خلاص كتبت ومش همسح اللي كتبته

لا موضوعك كتير حلو يسلموا يديك على الموضوع

اكيد الانسان لما يحزن على فراق صديق ويبكي عليه وفي نفس الوقت

يتفاجاء بأن صديق قديم له ظهر امامه ويطبطب عليه دموع الحزن تحولة دموع فرح

انت ياهولو دائما متألقه مشكووووووووووووره

هو سؤال ممكن يكون عبيط شويه ومفيش حد يقدر يجاوب عليه بس انا خلاص كتبت ومش همسح اللي كتبته
ههه
عادى ما تمسحيه
هل فى فرق بين الفرحة فى وجود الحزن والعكس
شكرا ليك

شكرا على مرورك فارس الامواج

شكرا على مرورك يا حريف
بس على فكره يا دكتور انا متعودتش اني لما اكتب حاجه امسحها وخصوصا لو الحاجه دي فعلا طالعه من جوايا
اما بقى بالنسبه لسؤالك ...طبعا فيه فرق كبييييييييييير اوي مش هتعرفه غير لما تحسه ومستحيل انك تقدر تشرحه ... وبعدين انت دخلت علقت وما جاوبتش هههههههههههههه ايه الزهايمر ولا ايييه؟

طالما هى طلعت من داخل هوللو يبقى مينفعش اتكلم
منورة يا دكتورة
اكيد طبعا بادمع فى وقت الضحك
انا معنديش زهيمر لسه

احساس صعب يهولو وبجد بيعذب اوى صاحبة بس مقدرش اقولك غير ربنا معاكى لان انا جربتة ومالوش حل بجدعايزة تكملى الفرحة بس مش قادرة وعايزة تعيطى بس مش قادرة بردة عشان فى جزء من فرحة هيا اللى مصبراكىبس مالوش الا حل واحد يقمرى النوم زى مقولتى ههههههههه دى احلى حاكة بعملها فى حياتى

شكرا لمرورك يا قمر واسمك بجد حاو اوي وملفت
ربنا معاكي في المذاكره يلا بقى شدي حيلك

ياااااااااااااااااااااااااااااااااااااااااه
كتير يا هولو ضحكت وفي قمة ضحكتي الدمعة بتنزل سواء من شدة الفرحة او حتي لما افتكر ان عندي هم تاني وتبقا الضحكة من غير نفس وزي ما بيقولوا هم يبكي وهم يضحك
سؤالك يا هولو مش مجرد سؤال عادي دا بيحمل معني كبييييييييييييييير جدا واحساس مختلط بالفرحة والحزن اللي الحزن بقا مغطي علي اي فرحة مهما كانت الفرحة دي
سؤالك ده احساس بيحصل لناس كتير وبتعب بجد
وعمومت مفيش حاجة بتكمل سواء فرحة او حزن

مشكوووووووووووووووووور يا مننووووووووووووووووو على مداخلتك يا قمر الشاشه

احساس صعب جدا

والصراحه ف الوقت ده بحاول انسي الشئ المحزن وعايش الفرحه باي طريقة

شكرا لكي ع الموضوع الاكثر من رائع

ربنا يهون عليك الصعب و يفرحك من قلبك
شكرا على مرورك سمارت

أنت عارفه أن المشاعر أساسا من وجهة نظرى خلطبيطه
قوليلى أزاى ................أزاى
أنت لما تكونى مستنيه خبر حلو بتبقى قعده قلقانه ومش عرفه الخبر الحلو هيتحقق ولا لا ولو اتحقق كل قلقك راح وفجاءه أتحول لفرحه ولو الخبر ده مصيرى قوى وفيه مستقبلك او مستقبل أقرب الناس ليكى(زى حالتك كده).
القلق الى تحول لفرحه فجاءه بقى خوف من بكره
يعنى المشاعر مش جيباها لبر بس دى حلوتها
وممكن أقول أن فى كل فرحه ليا بيكون الحزن وأقف معاها والوحد بيحاول يرحب بلفرح كضيف لازم أكرمه وميعملش الحزن بخنئه عشان هو كمان ضيف
الحزن والفرحه فى نظرى ما هما الا ضيفان وعلينا تحملهما مهما كان
شكرا للخلطبيطه الى خرجه منك وربنا يوفق كل حبيبك

وهنا ك مواقف كتير قوى أظن أنها تثبت كلا مى أن الا حسياس اساسا خلطبيطه ومعليش أنا بكتب كتير فى موضوعك لا نه فكرنى بمواقف كتير اثرت فيا
من المواقف الى حسيت فيها بلفرح والحزن فى نفس الوقت
لما قريبى الشباب بيسفرو بفرح لا نهم بيسعو لمستقبلهم وبحس بلحزن للفراق
وأول مره سافر والدى كان الحزن مالينى بس محاولتيش باى طريقه انى ابين الحزن وحتى كنت بضحك معاه ومع اخواتى وكنت مبين للكل انى فرحان لا ن سفره ده نصيب وأكيد ليه رزق هناك
أى يوم فيه النتيجه بفرح لا نى ارتحت من الا نتظار وبزعل من التقديروبقول برده ده نصيب
وحتى لو سمعت أغانى كلها حب ورومانسيه بكون مبسوط بس لما أفتكر الواقع أخاف أظلم معايا الى بحبه
ولو أغانى حزن بحزن وبحاول اخرج من حاله الحزن بتفكير فى الى بحبه
يااااااااااااه
دى فى حاجات كتير قوى والله يا هولو بحس فيها بلفرح والحزن فى نفس الوقت
كان نفسى أكتب أكتر من كده بس هيكون حرام عليا أعذب الى بيقرء اكتر من كده

شكرا للموضوع وأسف ع الا طاله

خلطبيطه اول ما قريت الاسم عرفت ان هوللو اللي كاتباه طبعا هههههههههههههههههه
ودي احلي حاجه فيكي ان اللي بيجي في بالك او اللي بتحسيه بتقليه علطوووول
المهم
الاحساس ده صعب فعلا ياهوللو لما تكوني فرحانه اوي علشان حاجه كويسه لحد قريب منك وفي نفس الوقت زعلانه اوي علي فراقه او انه هيبعد عنك هي ملهاش اسم فعلا غير خلطبيطه
لكن لو استسلمتي للحزن ده هتنسي الفرحه وتخلي نفسك في حاله حزن كبيره جدا
حاولي متفكريش دلوقتي في اللي يزعل وفكري بس في الكويس وان شاء الله اللي مزعلك ده مش هيحصل يابت هااا

بجد اعجز عن الرد والشكر على رايك يا art يا فنان
وفعلا الدنيا دي متستاهلش ان البشر يشيلو لها هم بس الموضوع كله ان الانسان بيعيش اللحظه ف وقتها
ع العموم ربنا يعمل لك كل الخير ومن غير خلطبيطه

شيموووووووووووووووووووووو انت حبيب هوللو والله
زطبعا مش هعلق على ردك لان على راي عمور الامور....
خلصت فيك كل الكلام...اموااااااااااااااااااااه

خلطبيطه
حصلى الموضوع ده برده فى الامتحان
لما شوفت الامتحان اختيارى وفى حاجات عارفه فرحت بس لما جبت اكتب لقيت الى أغمى عليه ولى ضغطه وطى والتوتر زاد لقيت نفسى مش عارف اكتب والحزن ملكنى
قعدت أقراء قران لحد ما ربنا كرمنى والحمد لله
بس حاسس ان الموضوع لسا مأثر فيا لحد دلوقتى
ربنا يستر ويوفق الجميع

يااااااااااااااااااااااااااارب يا ارت
النهارده بقى انا هتكلم عن خلطبيطه تانيه
الخلطبيطه دي حصلت لحد انا اعرفه وحسيتها جدا جدا جدا
ازاي يكون عندك احساس بالفرح لحد تاني وف نفس الوقت كان نفسك اللي حصل للحد التاني ده يحصللك وف نفس الوقت انت مش عارف تحدد انت حاسس بايه
باختصار كده...
لو انت وواحد صحبك مثلا قدمتو لفرصه شغل تحفه جدا وكان صحبك ده بالنسبه لك الدنيا وما فيها
بس القدر لعب لعبته وصحبك ده هو اللي اتقبل فيها وانت لا وكان حلمكم واحد وطلب منك انك تساعده عشان يثبت نفسه ف الشغل ده
انت طبعا وبدون تفكير هتسانده وتقف جنبه بس برده ماتنكرش انه هيكون جواك خلطبيطه
فرحان ليه جدا من قلبك وزعلان برده على نفسك انك كان نفسك ده يحصللك وبرده بتتمنى له الخير من كل قلبك


والى اللقاء مع خلطبيطه اخرى ....ان شاء الله

احساس اصعب واصعب

بس اكيد اخلاصي لصاحبي لما اشوف الفرحه ف عينه هينسيني حزني

شكرا لكي يا متالقه

عندك حق يا سمارت
بس برده هتكون عندك غبطه0..بمعنى انك بتتمنى انه يحصل لك نفس الشيء بس من غير ما يزول من حد تاني اللي هو صحبك مثلا
والف شكر للمرور الكريم يا بشمهندس سمارت

ايوه غبطه مش حقد وضغنيه عليه

ربنا ما يوقعنا ف الاحساس ده وان وقعنا فيه يااااااااااارب اكرمنا بما تحبه وترضاه

شكرا ليك يا معلمه هالو

انا حصلي شعور اعيط واضحك في نفس الوقت ساعة ما جبت نتيجة الترم الاول كنت بامانة منهارة كانت النتيجة يوم 23/2 وكنت اليوم ده راجعه من الحفلة بتاعت الكلية وكنت قلقانة باليل وحاسة ان حاجة هتحصل دخلت نمت الساعة 5 صحبتي صحتني قالتلي ظهرت قومي شوفيها قمت وانا بشد في رجلي لان اول مرة كنت اجيب النتيجة لنفسي صحبتي هي اللي دايما بتجبها ليا لاني بكون مسافرة المهم قعدت من 5 لحد الساعه 6.20 احاول ادخل في الكارت مش بيظهر
اتاري انا بدخله غلط ومش شايفة لارقام واول ما ظهرت بعد وقت طويل اعدت اصوت واصرخ
وصحيت البيت وقلت لماما الحقيني نجحت وصليت شكر لله والله بامانه عمري ما هنسي اليوم ده ابدا وكمان اتصلت بصحبتي فكرت اني عملت حادثة من كتر العياط وكل ما اكلم حد اجيبله النتيجه اعيط خلتهم يعيطوا من الفرحة بس بامانه كنت فرحانه في نفس الوقت جامد ربنا ما يحرم حد من فرحة النجاح ويوفقنا جميعا

احساس صعب اووووووووووى وحصلى كذا مرة

بس فيه مرة الحزن هو اللى انتصر على الفرح ونسيت الفرح وفضلت اعيط